DOWNLOAD OUR APP

Read latest news on your phone
app-store

'Tuizual Ngaw' zaninah tlangzarh dawn

May 20, 2022

Mizo film ngainatute tan chanchin lawmawm hriat tur a awm leh ta - zaninah film thar tlangzarh a ni dawn. A film hming hi 'Tuizual Ngaw' tih a ni a, action movie lam ngainatute tan chuan en man hla tur tak a ni ngei ang! Lersia Play-ah man chawia en theih a ni ang.  

'Tuizual Ngaw' hi a title ang ngei hian ram ngaw pilrilah chan a ni a, shooting an neihna hmun hi la hre lo tan chuan Mizoram a ni lo anga tih mai tura hmun mawi leh nuam a ni. Kan ram chhung ngei a ni a, Champhai leh a chheh velah chan a ni - lo en chik hle rawh le. 

He film hi Muantea Khiangte thawnthu ziah behchhana siam a ni a, a dangdai viau dawn. A changtute pawh mithar an ni nawk hlawm a, hmelthar chang thiam tak tak kan hmu nual dawn. A trailer en tawhte chuan a full movie kan en chak ngeiin a rinawm. 

S&R video production kutchhuak a ni a, Ansylyn chu director leh producer a ni. Video production lama sulhnu nei tha em em Asanga Dosel kutchhuak hmuh tur a awm dawn bawk - zanin dar 7:30pm hian Vanapa Hall-ah premier a ni dawn e.  

Share now