A tawpa tawpah chuan an tum ve ta nge nge e - Jennifer Lopez leh Ben Affleck te chu tunkar tawp lam hian an innei ve dawn ta niin khawtlang media te chuan an tarlang ta tlat mai. Kumin April thla khan a vawi hnih nan an inhual a, tunah chuan nupa tak tak anga khawsak dun zai an rel ve dawn ta a ni.  

'Hustlers' star leh 'Justice League' actor te hi hun eng emaw chen chu an lo inzui tawh a, innei mai tur anga sawi pawh an ni fo. Inhualna zungbun te pawh an lo inbun tir tawh a, mahse an innei zui mai lo. Kumin April khan a vawi hnih nan an inhual leh a, hei hi an inkara hmangaihna tih nun tharnaah mi tam tak chuan an ngai. 

J.Lo hi kum 52 mi lai a ni ve tawh a, pasal pawh pathum lai a then tawh! Fa pawh pahnih a nei a, amah ang thoa 'thlawi' title nei ngat Ben Affleck nen an innei tur hi an inhmeh ru riau. Kum 49 mi Ben Affleck pawh hi kum 2005 khan American actress Jennifer Garner nen inneiin, kum 2018 khan an inthen - fa pathum an nei.  
Innei tur anga sawi an nih chungchangah hian an mahni lam chuan thuchhuah an la siam lo thung a, hetih lai hian media lam chuan 

Georgia-ah an innei dawn niin an lo tarlang ve mek bawk.