May 5, 2022; Tunhnai kum 6 (2017-2022) chhungin, India sawrkar mi pawimawh, President, Vice President, Prime minister leh Union Home minister te chuan Mizoram an rawn tlawh vek tawh. Karleh May 10, 2022 a Mizoram Legislative Assembly Golden Jubilee (kum 50 na) lawmna rawn hmanpui turin Lok Sabha Speaker Om Birla chuan Mizoram a rawn tlawh bawk ang,

June 17, 2017 khan khatihlai a Union Home Minister Rajnath Singh chuan Mizoram rawn tlawhin, Mizoram Legislative Assembly Annexe Conference Hall ah North East state CM leh leh an aiawhte nen meeting an nei a, India leh Myanmar ramri chungchanga thil pawimawh an sawiho a ni.

December 16, 2017 khan Prime minister Nanrendra Modi chuan Mizoram rawn tlawhin, Tuirial Hydro Electric Project a hawng a, a pualin Mualpui ah vantlang inkhawm buatsaih a ni.

Tuna Union Home Minister dinhmun chelh mek, Amit Shah pawhin,October 5, 2019 khan Mizoram rawn tlawhin, Raj Bhavan ah Chief Minister Zoramthanga nen inkawmin, Mizoram mamawh pawimawh hrang hrangte an sawi dun. BJP President a nih laiin, Amit Shah chuan October 17, 2018 khan party pawimawh tiin, lehlangin, Aizawl a rawn tlawh bawk.

Kumin March 10 khan  Vice President of India, Shri M Venkaiah Naidu chuan Mizoram rawn tlawhin, Assembly session neih mekah thusawina a nei a, hei bakah hian Mizoram a NGO aiawhte leh MKHC hruaitute nen inkhawmna hun an nei bawk.

India President 14-na Ram Nath Kovind chuan November 30, 2017 khan Mizoram Legislative Assembly House-ah khatihlai a Assembly Speaker Hiphei kaihhruaina hnuaiah Mizoram Legislative Assembly Member-te nen ‘Special Session’ an nei ho a. Ram Nath Kovind hi a vawi hnihna atan vawiin May 5 khan Mizoram rawn thleng lehin, tun tun a rawn kal chhan ber chu Mizoram University Convocation vawi 16-na hmanpui tur a ni.

Anni bak mi pawimawh dang, Union minister/minister of state engemawzah Mizoram rawn tlawh an awm tawh bawk a, sawrkar official pawimawh rawn kal an awm nual tawh bawk.