March 21, 2022; Tun march thla kal mek ni 20 (march ni 1-20) chhungin Mizoram chhung hmun hrang hranga chetsualna/chhiatna thlengah nunna chan mi 20 (mipa 17 leh hmeichhia 3) an awm a, lirthei chetsualna chu thihna thlen tamna ber a ni.

ZALEN in a chhinchhiah chin ah, tun march thla kal mek ni 20 chhunga chhiatna hrang hrang thlengah lirthei chetsualna thlengah nunna chan tam berin, nunna chan mi 8 an awm a. Kangmei vanga nunna chan mi 4 awm bawkin, tui tla hlum mi 5 an awm. Electronic detonator puak vanga nunna chan mi 3 awm bawkin, heng vanduaina thleng thenkhatah hian hliam tuar, damdawiin lama enkawl mek te pawh an la awm.

Tunhnai ni 20 chhunga chhiatna thlengah lirthei chetsualna (two wheeler) bikah mi 4 an thi a, kangmei vanga nunna chan mi 4 te chu mipa 2 leh hmeichhia 2 an ni. Tui tla hlum mi 5 zingah hmeichhia 1 a tel. Tum khata mi 1 aia tam thihna thleng tum li awmin, chung zinga pahnih chu lirthei chetsualna (bike leh tanker) niin, kangmei (mi 3) leh detonator puak (mi 3) vanga chhiatna thlengte a ni.