Aizawl: Mi thahnem-ngai ten Covid-19 vanga harsatna tawk te tanpuina atana an sum thawhkhawm chu tunkar chhung hian a thawhkhatna atan a dawngtu turte hnenah semchhuah tum a ni. 

Aizawl DC Dr. Lalhriatzuali hova Fairelbel sum semchhuah dan tur ngaihtuahtu committee hi Zirtawpni khan DC Conference hall-ah an thukhawm a. Meeting hmasa lama tanpuina dawngtu tur hi Aizawl khawpui chhunga YMA Branch ten lo thlang se an tih angin Branch 49 atangin tanpuina dawng tur hming list thehluh a ni tawh a, heng mite hnenah hian sum hi hlan phawt nise an ti a ni. Tanpuina hi category A leh B ah then a niin category A te hi Rs. 10,000 leh catgory B hi Rs. 5000 a tanpui tur an ni a. YMA te hming thehluh bakah hian mi harsa zual thenkhat hnenah tanpuina hi hlan tum a ni bawk.