May 15, 2024; Serchhip khawpui chawmna atana PHE dept. in Tuikum lui an lakna bul lawk a Tuikum lui fintu Khuangthuama kawr chu tunkar Thawhtanni tlai khan tur hmanga hrai nia hriat a ni a, Serchhip PS ah FIR thehluh niin, he thil a inhnamhnawih nia hriat mi 3 te manin, thubuai siamsak an ni.

Thulakna Lenkawl in a tarlan danin, Thawhtanni tlai dar 6 vel khan Khuangthuama kawr hi tur hmangin hrai ni ngei nia hriat a ni a, Tuikum lui pump house a duty te chuan he kawrah hian chakai leh kaikuang thi an hmu.

Hemi chungchangah hian Serchhip PS ah thubuai thehluh niin, pawikhawihtu nia hriat Serchhip IOC veng nia in sawi vek, Lalmuanpuia (25), Vanlalliana (39) leh Laldinpuia (45) te chu man niin, thu zawhfiah an ni a, an tih ngei a nih thu police te hnenah an sawi nia thudawn a ni.