February 6, 2023 Thawhtanni zinga lirnghing na takin Turkey leh Syria a sawi avanga nunna chan zat chu mi 20000 an tling tawh tih BBC chuan a tarlang. Turkey leh Syria-ah hian khua a vawt hle a, hei vang hian chhanchhuah hna thawh a harsa a, nunna chan pawh an tam phah nia tarlan a ni. 
  
UN chuan hliam tuarte chhawmdawlna tur mamawh hrang hrang a thawn lut a, heng bungruate hi nimin khan phurh thlen an ni. Mi thahnem tak chu chenna leh riahna mumal nei loin an awm mek a, tui in tur leh chaw pawh an nei meuh lo. Khua a vawh bawk si avangin dam chhuakte dinhmun pawh hi a tha lo hle a, nunna chan an awm leh mai ang tih a hlauhawm hle. 

Building chim hnuiah mi eng emaw zat an la tang a, chhun zan zawmin chhanchhuah hna thawh a ni. Chhanchhuahna thawktu hi mi 100,000 zet an awm a, rim takin an thawk mek zel a ni. Chutih rual chuan chhiatna thlen atangin darkar 100 chuang zet a liam tawh a, hei vang hian dama inchhanchhuah beiseina pawh a chau sawt hle a ni. 

World Bank chuan Turkey tanpuina tur hian $tld 1.78 zet pek a nih tur thu a puang a, building sak that leh nan pawh hman a ni ang.