South Korean girl group TWICE chuan mini album an tichhuak leh dawn tih social media kaltlangin an tarlang. An mini album 12-na tur hi 'Ready to Be' tih a ni a, March 10-ah an tichhuak ang. 

TWICE te hian kum tir atangin thawm an rawn nei a, fan te ngaihven zawng tak album chungchang an rawn tarlang. K-pop girl group hian preview an rawn chhawpchhuak a, pre-order a tih theih nghal bawk. Album hi chi thumin an tichhuak dawn a poster, postcard, message card leh photocard te a keng tel vek dawn bawk a ni. 

TWICE-ah hian member pakua - Nayeon, Jeongyeon, Momo, Sana, Jihyo, Mina, Dahyun, Chaeyoung leh Tzuyu te an awm a, English hla single pahnihna an tichhuak tawh. An single thar zawk 'Moonlight Sunrise' hi kar hnih liam ta khan an tichhuak a, mi maktaduai 50 chuangin an view tawh nghe nghe. 

K-pop star TWICE hian 'Ready to Be' an tihchhuah hmain chawimawina an dawng dawn a, March 1 khian Billboard Women Music event-ah Breakthrough Award hlan an ni ang.