Aizawl July 6, 2023 : BJP Eastern Zone State 12 Office Bearers meeting Guwahati-a neih na a tel BJP Mizoram State President Vanlalhmuaka chuan UCC chu engti kawng mahin hmarchhak tlangmi te a huam tur a ni lo tiin a sawi.

Vanlalhmuaka BJP Mizoram State President chuan Political Scenario of State chungchang ah Manipur leh UCC chungchang sawi chhuakin, Manipur buaina tireh thuai a tul thu leh UCC hian engti kawng mahin Hmarchhak a tlang mite hi a huam tel tur a ni lo tiiin a sawi a ni.

BJP Eastern Zone meeting agenda atan hian State hrang hrang political scenario and challenges tih te, MLA leh MP Election lo awm tur atana in buatsaih dan turte, Prime Minister Narendra Modi sawrkar kum 9 chhung hnathawh thlirletna a ni a. B L Santhosh national General Secretary (Org) in Meeting hi a hmanpui a ni.

Meeting ah hian State hrang hrang 12, Bihar, Jarkhand, Odisha, West Bengal, Assam, Sikkim, Arunachal Pradesh, Nagaland, Manipur, Mizoram, Meghalaya leh Tripura atang ten an tel a ni.