Serie A club Udinese atangin Tottenham chuan £15million-in defender kum 19 mi Destiny Udogie an la lut a, kum nga daih contract an ziak a, a man hi add-ons te nen pound makdaduai 3 bawrin a pun belh thei bawk.

Italy Under-21 international hian tun nipui khan a nghetin Udinese hi a zawm ve chauh a, loan hmangin tun season chhung chu a khelh zawm a rinawm. Left-back hian season liam ta khan Udinese tan league game 35 khelin goal 5 bakah assist 4 a nei. 

Udogie hi tun nipui chhunga Tottenham-in player an lakluh pasarihna niin a hmain Ivan Perisic, Richarlison, Fraser Forster, Yves Bissouma, Clement Lenglet leh Djed Spence te an lo lalut tawh a ni.