August 24, 2023; JB Foundation chuan dan in a humhalh, ui talh leh a sa zuar zawm tawh lo turin Aizawl a Uisa Zuar Association ah ngenna an thlen.

Ngenna an thlen ah JB Foundation chuan, Mizoram sawrkarin, Animal Slaughter Act 2013 a sa ei theih bithliahna a siam zingah uisa an tih tel chu ram danpui Article 48 na kalh a nih avangin, Animal Welfare Board of India chuan ennawn turin Legal Notice a pe tih an tarlang a. Ennawn a nih hnuin, The Mizoram Animal Slaughter (Amendment) Act, 2020 chu pawm a lo ni ta niin an tarlang bawk.

JB Foundation tarlan danin, Mizoram a sa ei theih zing atangin uisa paih a ni tawh bawk a, Food Safety and Standard Authority of India in thuchhuah an siam 'Food Products Standards and Additives 2011 (2.5.1) a sa ei thiang a sawi zingah uisa hi telh a ni lo.

JB Foundation chuan Aizawl Uisa Zuar Association president chu, a rang thei ang ber a association member hrilh hriaa signboard tar te la thla tura ngen bawkin, "Dan zawm mai chu himna leh khua leh tui tha nihna a, dan in a phalloh thil te laka kan fihlim theuh nan theihtawp a tan min lakpui turin i khawngaihna ka rawn ngen tak meuh a ni," tiin an tarlang bawk.