Metallica chuan an charity 'All Within My Hands Foundation' kaltlangin Ukraine mipuite tanpuina turin $500,000 zet an thehchhuak. 

American heavy metal band hian tanpuina hi World Central Kitchen hnenah an hlan a, anni hian thla hnih chhunga $1 million tuak ngah tumin hma an la mek. An hmalakna hi Metallica chuan lo hriain, tanpuina hi an hlan ta a ni -  Ukrainian refugee te ei tur lei nan hman a ni ang. 

Metallica drummer Lars Ulrich chuan, "World Central Kitchen te hmalakna hian min cho phur tak zet a, tun dinhmunah Europe ram paruka Ukrainian refugee te henah tanpui hna an thawk mek a ni," tiin, an hmalakna fakawm a tih thu a tarlang.