July 6, 2023; Mizoram University hnuaia Under Graduate exam result vawiina tihchhuahah zirlai exam zinga za zela 76.86 an pass.

Under Graduate final exam-ah hian zirlai 6,767-in exam an hmachhawn a, zirlai 5,201 an hlawhtling a, result tihchhuah takah hian Bachelor of Arts (BA) ah zirlai exam 5,695 zingah 4,308 (75.65%) a ni.

Science zirlai exam 631 zinga 504 (79.87 %) ten hlawhtlinna an chang a, Commerce-ah exam 405 zinga 365 (90.12%) in hlawhtlinna an chang. Home Science-ah zirlai exam 36 zinga 24 (66.67 %) an pass bawk.

Kumina result puanah hian Pachhunga University College zirlai Lalduhsaki chu Arts-ah pakhatna a ni a, B.Sc-ah Pachhunga University College zirlai tho Jeffery Vanlaltlana chu pakhatna niin B.Com-ah Govt. J. Buana College, Lungleia mi C. Lalnunhlimi chu pakhatna a ni a, B.Sc (Home Science)-ah Saipari, Govt. Zirtiri Residential Science College zirlai chu pakhatna a ni.