ZALEN June 22: Chief Minister Lalduhoma New Delhi zin chuan nimin June ni 21, khan Jyotiraditya Scindia, Minister of DoNER and Minister of Comminications chu hmuin DoNER Minister hian Mizoram in NEC kaltlanga sum a hmuh thin chu tihpun a lo intiam a. Union Health Minister pawhin CM chu ZMC special package Rs Crore 170 pek a nih thur thu a lo hrilh.

JP Nadda, Union Health Minister hian Zoram Medical College (ZMC) tana Special Package dilna thehluh tawh atanga 1st Installment, Rs 170 Crore pek chhuah thuai anih tur thu a lo hrilh a. ZMC tihchangtlun zel dan tur leh Health Sector a Mizoram hmasawn dan tur kawng hrang hrang an sawidun bawk a ni.

Sciandia chuan NESIDS OTRI chu Mizoram mila guideline her danglam a lo remti bawk a. Externally Aided Project (EAP) hnuaia Mizoramin sum a hmuh thin leh hemi kawnga harsatna te lo enfel a intiam a. 

DoNER Minister Jyotiraditya Scindia pa, Madhavrao Scindia chu Central Minister a nih lai vel khan Lalduhoma nen hian thian tha tak an ni a. A pa thian hlui anih angin Jyotiraditya pawh hian Lalduhoma chu a ngaina hloe niin DIPR Mizoram atanga thudawn a ni.