Aizawl January 18, 2024 : Health Minister Lalrinpuii chuan nimin khan Union Health Minister Mansukh Mandavya hmuin inkawmhona an nei a, Union minister hian ZMC atana 'special package' pek an nih tur thu a lo hrilh.

Health Minister hian ZMC-in hma a sawn zel dan turte thlenin, Central sawrkar chu theihtawp chhuahpui turin a ngen a. Sawrkar tana a hautak lutuk dawn chuan Central sawrkar kuta hlan mai tha ni-a an hriat thu a thlen bawk. Union Health minister chuan Mizoram sawrkar chu ṭha taka thawhpuia theihtawpa tanpui a inhuam thu sawiin, state sawrkarin an kalpui chhunzawm theih nan a bik taka puihna 'special package' pek an nih tur thua lo hrilh.

Health Minister Lalrinpuii hian Chief Minister Lalduhoma a rawn nghal a, special package chu project te siam a, CM hova bawhzui nghal an tum a ni.

Health Minister hian Dr. Vinod K. Paul, Member NITI Aayog hmu nghalin Mizoram Health Sector leh Tourism bakah Resource moblization leh kawng dang hrang hranga hmasawnna an neih theih dan tur an sawi dun a. Mizoram sorkar hotute leh NITI Aayog member te'n hemi chungchang hi a bik taka meeting nei thuai turin an inthlah a ni.