ZALEN September 16, 2023 : BJP Mizoram State Office (Mipui Run), Upper Republic chu Union Minister of State for DoNER BL Verma chuan vawiin tlai khan a tlawh a, Mizoram a rawn tlawh chhan pakhat ah chuan SEVA PAKHWADA (Midang tana luanchhuahna) puala hun hmang tura rawn kal a nih thu a sawi.

BL Verma chuan, "Mizoram hi vawi hnih ka rawn tlawh tawh a, Mizoram ka rawn tlawh chhan pakhat ah chuan SEVA PAKHWADA (Midang tana luanchhuahna) puala hun hmang turin ka rawn kal a ni," a ti.

BL Verma chuan, "Lengpui Airport sak mek chu enfiahna hun ka nei a, duh thu a sam lo hle a, nimahsela Central suma sak a nih avangin a hun taka hna thawh zawh a nih theih nana hma la tura hriattir a ni a, Inthlanpui kan neih hmaa zo hman tura hna thawh a ni. Mizoram ah District Hospital (Damdawiin) pathum lai sakna tur sum pawh Mizoram tan kan pe bawk a, chungte pawh chu hawn theih thuai kan beisei a ni," a ti bawk. 

Verma chuan sawi chhunzawmin, "I.N.D.I.A tih chu Opposition Party te'n Corruption-a India ram an eichhiat mai chu duhtawk lovin, INDIA hming lam pawh an ru duh hi a buaithlak hle a, hei vang hian vawiin ah pawh India hming tho BHARAT tih chu hman a ni ta mek a ni," a ti bawk.

Union Minister chuan, "BJP Sorkar Modi-a Kaihhruai chuan NE State hi a ngai pawimawh a, NE State-ah Development nasa taka thlen theih nan hmalak a ni a, nasa takin India hmarchhak ah pawh Development a thleng mek a ni. Tun hnailawkah G20 ah Presidency chanvo hneh takin a chelh a, India ram chu Pu Modi-a chuan G20 Summit ah pawh thil ti thei tak ram a nih zia a lantir a, PM Modi-a hmalakna hi a ropui hle a, chu malsawmna chu India mipuiin kan dawng a, Khawvela ram thang duang ber te zingah kan awm chho mek ta hi a ropui hle a ni," a ti.

BJP Mizoram State Vice President Vanupa Zathang IPS (Retd) chuan inkhawm a kaihhruai a, Dr. Zonuntluanga State Secretary-in lawmna thu a sawi a ni.