Aizawl : BJP Mizoram chuan an thuchhuah an siamah MADC Election neih meka Campaign Union Minister  John Barla chuam nimin (3rd May 2022) khan Lengpui Airport atanga a haw thla tur leh Mizoram Sports Minister Robert Romawia Guwahati zin tur te MNF sawrkar sawisak chhiat mek Lengpui Airport chhungah minute 2 vel an intawng a. hetah hian John Barla hian Robert Romawia a zilh niin an tarlang.

    BJP chuan John Barla hian "Siaha district hmun hrang hrang ka tlawh a, kawng chhia a tam hle a, Siaha district tana Central sorkar in State Sorkar-a pawisa a pek tam tak ngaihtuah in mipuite khawsak, ei leh bara Economy dinhmun a la ngaihtuahawm  hle thu leh Mizoram State Sorkar hian buaipui hmasak tur zawk buaipui thin rawh u" tiin tlang takin Sports Minister hi a hrilh a ni, an ti. Dawt hmanga press release siam duh Mizoram State Sports Minister leh MNF Party hian zahna chang hria a sim hmak tawh turin kan hriattir a ni, an ti bawk.

    BJP thuchhuak chuan, Robert Romawia'n nimin a Union Minister hnena a sawi anga tarlan 'Mizoram pum Minority kan ni,' tia a sawi ve ngawt pawh hi Ministry in Minority area a sawi dan ni lo, thu dik lo a ni a. "Mizoram State hian District Council & Minority Affairs Minister kan neih chuan chumi changtu Minister chuan zirchiangin a sawifiah kan phut nghal bawk a ni. Minister te hian Department hrang hrang chanvo insemin hna an thawk ṭhin a. RRR hian a duham luat ah sawrkar Allocation of Business pawh a hre hranglo der nge? a thliar hrang thiam lo zawk tih hi kan zawhna a ni a, hetiang a nih chuan Minister ni tlak lo ah kan ngai bawk a ni." an ti.