Union Minister ten BJP leh Kristianna inmil lo anga Mizorama ngaih a ni thin mak an ti - Vanlalhmuaka
![](https://zalen.s3.ap-south-1.amazonaws.com/images/news/1721645384_Hmuaka.jpeg)
Aizawl July 22, 2024 : BJP Mizoram chuan vawiin khan BJP Mizoram State Office, Mipui Rûn, Upper Republic ah Karthar inhlanna leh Political Session hun an hmang a Vanlalhmuaka, State President chuan Union Minister rawn zin te'n, BJP leh Kristianna inmil lo anga Mizorama an ngai thin chu, mak an tih thu an sawi fo a ti.
Hmuaka chuan, "Union Minister rawn zin te'n, 'BJP-in eng harsatna nge kan tawh?' tih min zawt thin a, BJP leh Kristianna inmil lo anga Mizorama kan ngai thin chu, mak an tih thu an sawi fo thin a, Politics-a inbeihna mai mai a nih zia an sawi thin. Nimahsela Mizoram mipuite chuan kan hrefiah hleithei chuang lova, amaherawhchu a nawlpui anga kan hriatfiah hunah erawh duh aiin kan tlai mai ang tih erawh hlauhawm tak a ni thung. Vawiinah chuan Mizoram mipuite hian Mizo thuam kan inbela, kan chhungrilah erawh kan inbel tello ang tih a hlauhawm a ni. Chuvangin Mizo nun zemawi hi a sawia sawi lova, kan nun zawkin a ken tel hunah erawh Zoram nuam kan siam ngei dawn a ni," a ti.
BJP President chuan, "BJP kan din chhan leh kan awm chhan; Mizoram leh Mizote tan a nih avangin kan State hmasawnna kawnga kan tih theih awm ah BJP Mizoram chu kan tlanchhe dawn lova, kan din chhan tihhlawhtlinna turin theihtawp kan chhuah zel dawn a ni," a ti bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024