Aizawl: Leh langa Mizoram rawn tlawh-tu Union Minister of State for Rural Development & Steel Faggan Singh Kulaste chuan Zirtawp tlai khan Chief Minister Zoramthanga chu a chenna inah kawmin Mizoram hmasawnna atana thu pawimawh an sawi dun.

Union Minister of State chuan state hmasawn nan agriculture leh horticulture lamah Mizoram chuan theihna nasa tak a nei, ram pawna export atana tlak tak tak tharchhuak thin nia a hriat thu a sawi a. Inkalpawhna kawng tha neih a pawimawh thu te sawi dun bawkin, Union Minister chuan link road leh khaw tin tlawh kawng tha neih mai a pawimawh bakah fur laia leimin tuar thin state a nih avangin a remchanna apianga pumpelh kawng siam te pawh tha a tih thu a sawi.

Chief Minister Zoramthanga pawhin leilung behchhana eizawnna ngelnghet siam tura state sawrkar hmalakna te a sawi a. Hripui leng avanga ram pum sum harsatna avanga hmasawnna hna thawh in a tuar phah dan leh, tuna boruak ziaawm chho zelah theihtawp chhuah a nih dan te an sawidun a ni. CM nen an inkawm zawh hian Union Minister of State Faggan Singh Kulaste hian Silchar a pan leh nghal a ni.