DOWNLOAD OUR APP

Read latest news on your phone
app-store

UNSC tihlen tura tel turin France-in India a duh

Nov 20, 2022

France chuan UN Security Council tihlen tumna awm mekah India, Germany, Brazil leh Japan ramte chu permanent member atana lak luh tura a thlawp thu a sawi nawn a, Khawvel ram hrang hrang inzawm khawm pawl thiltihtheihna tihchak lehzual a nih theih nan member nghet tih tam a tul thu a sawi.

France chuan UN Security Council tihlen tumna awm mekah India, Germany, Brazil leh Japan ramte chu permanent member atana lak luh tura a thlawp thu a sawi nawn leh.

Khawvel ram hrang hrang inzawm khawm pawl thiltihtheihna tihchak lehzual a nih theih nan member nghet tihtam a tul thu a sawi.

UN-a France  Deputy Permanent Representative Nathalie Broadhurst chuan, “France dinna chu a chiang a. Tun lai khawvelah council-a thute tihlen hi a ngai a, a thuneihna leh a chetna hi tihchak a ngai a ni,” tiin Zirtawpni khan a sawi.

Broadhurst-i hian an ram ngaihdan hi UN General Assembly plenary meeting-a ‘Question of equitable representation on and increase in the membership of the Security Council and other matters related to the Security Council’ hunah a sawi chhuak a ni.

“Thiltithei thar a awm a tul a, Security Council mawhphurhna hi tihlen zel a tul a ni,” tiin Broadhurst-i chuan a sawi.

Broadhurst-i hian an ram chuan duhthusamah chuan Council hi chak zawk leh huam zau zawk a nih theih nan member 25 thleng ni thei se a duh tih a sawi bawk.

“France chuan Germany, Brazil, India leh Japan te chu permanent member atan a thlawp a. African ramte pawh telh zel a duh a. Seat chuang la awmte pawh ram awmna azir zela aiawh nei turin a duh a ni,” a ti.

United Kingdom pawhin India, Germany, Japan leh Brazil ramte chu UN Security Council member tihlen turah permanent member atan a duh ve bawk.

“Kan dinna chu a chiang sa a. United Kingdom chuan Security Council hi a ngheta awm leh nghet lovah pawh tihlen a duh reng a ni,” tiin UK Ambassador Barbara Woodward chuan Ningania General Assembly-a Security Council chungchang sawihonaah a sawi.

“Permanent-a thu tura India, Germany, Japan leh Brazil tih hi kan thlawp a, African aiawh pawh Council-a telh hi a tha a ti a. Non-permanent category-a tel thei pawh tihlen tha kan ti a, Security Council-a member awm zat hi 20 chung lam ni se kan duh,” a ti.
'

Council member nghet awm thei tura duan ram 15 zingah US, UK, France leh Russia pawhin India telhtir hi an thlawp bawk.

India leh UNSC

India hi UN Security Council-ah hian member nghet lo (non-permanent member) a ni mek a, hei hi kum hnih term niin thla lehah hian he hun hi a tawp dawn a. Security Council-ah hian a nghet leh nghet lote nen member 15 an awm thei.

New Delhi bakah hian G4 ram an tih - Brazil, Germany leh Japan te chu Security Council tihlen turah member nghet tura sawi rik rin ber an ni a, thlawptu pawh an nei nual tawh.

India hi Council-ah thawm nei lian ber pawl a ni a; mahse, ram thang mek a la nih avangin member nghet nih theih mai hi a hlat deuhva ngaih a la ni.

G4 hian Security Council hi tihlena siam that a ngaih thu an sawi fo tawh thin a, permanent leh non-permanent category-a awm thei pawh tihlen ve ve a ngai niin an sawi.

Security Council hi UN hnuaia principal organ paruk zinga pakhat niin khawvel muanna leh himna ngaihtuahtu ber a ni a, UN member thar tur pawh ngaihtuahtu a ni a, UN Charter siam that ngai pawh a pawmpuina a ngai.

Security Council-ah hian member 15 an awm thei a, an zinga panga chu a nghet an ni a. Heng ramte hi China, France, Russia, United Kingdom leh United States an ni a. A dang ram 10 hi a nghet lovin, kum hnih zel atan ruat thin an ni.

Share now