Aizawl: Mizoram State Sawrkar-in thuneihna a pek angin Sr.SP Aizawl Traffic chuan thupek a chhuah a. Vaivakawn Post Office chhak, Upper Kanan peng kawng zauh a nih dawn avangin tlan humbi a tichhuak.

PWD leh Chawnpui Local Council te’n Vaivakawn Post Office chhak, Upper Kanan pengah kawng siamthat hna (junction improvement) ni 1.5.2023 (Thawhtanni) atanga an thawh dawn avangin helai kawng hi nitin Zing dar 10:00 atanga Tlai dar 3:00 inkar leh Tlai dar 4:00 atanga Tlai dar 6:00 inkar khar/Block ani dawn tih mipuite a hriattir. Hnathawh tibuai thei turin hnathawhna huam chhung kawngpuiah lirthei leh bungrua dah/park phal a ni lo. He thupek hian kawng siamthat hna thawh zawh anih hma chu a huam ang. 

Thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chetvelna a huam lo ang.