Nimin khan US-ah inpawngkahna rapthlak tak a thleng leh a, mi parukin nunna an chan. Highland Park, Illinois-a Independence Day parade neite chu kum 22 mi Robert E Crimo III chuan inchung sang atangin a pawng kah a, amah hi man nghal a ni. 

US President Joe Biden chuan mipui pawi sawi lo te chunga silai lek a ni leh ta chu pawi a tih thu a sawi a, silai hmanga inrikrapna chu a do zel dawn tih a sawi bawk. Inkahna hi parade tan hnu lawka thleng niin, kawngzawh hi tihtawp nghal a ni. Pawi khawihtu hi police ten rang takin an man a, a kut atang hian rifle an man a ni.

Inkahna thlengah hian mi eng emaw zatin hliam an tuar a, nunna chan zingah hian naupang an awm lo thung. Pawi khawihna thlen hnu darkar hnih velah Philadelphia-ah inkahna dang a chhuak zui a, police officer pahnihin hliam an tuar. Philadelphia-ah hian Independence Day pualin firework display neih a ni a, inkahna a chhuak zui a ni.

US-ah hian tun hnaiah inpawngkahna a thleng zing hle a, nunna chan leh hliam tuar pawh mi eng emaw zat an awm tawh a ni. US Senate chuan silai khuahkhirhna dan a pawmpui tawh a, khauh zawkin silai khuahkhirhna kalpui an tum a ni.