ZALEN:July 23: Vairengte mipui chuan Thawhlehni July ni 25 chawhma dar 10 atangin chawhnu dar 2 thleng an khaw kaltlang lirthei vei vak reng reng dan chah an tum.

Vairengte All NGO leh All Village council meeting chuan Thawhlehni ni July ni 25 hian Manipur state-a Zohnahthlakte tawrhna avanga an thlavang hauhna leh tawrhpuina kawngzawh neih an rel a, hemi ni hian Vairengte khawchhunga dawr zawng zawng khar nise an ti a, hei bakah hian Vairengte khawchhung paltlanga lirthei veivak reng reng a awm lohna turin chawhma dar 10:00 atanga kawngzawh tawp thleng kawng dan nise an ti bawk.

Hetianga kawngzawh hi hmun hnih a inthenin Hmar lam leh Chhim lam atanga zawh tanin, Zalen Veng kawn (Vairengte Bazar kawng) ah intawkkhawmin hun hman a ni ang. Hemi ni a kawngzawh te hian Manipur a Zo hnahthlak te tanpui nan thawhlawm ken khawm nise an ti bawk.