Aizawl September 11, 2023 : Mizoram State Sorkar-in thuneihna a pek angin Senior Superintendent of Police, Traffic, Aizawl chuan Vaivakawn Zohnuai peng two wheeler chauh kal phal thin chu eng lirthei pawh kal phal a nih tawh thu a hnuai a mi ang hian thupek a chhuah.

Vaivakawn Zohnuai peng bula leimin avanga kawng khar/block chu helai hmun hi lirthei kal theiha siamthat anih tak avangin lirthei eng chi pawh a tlan tlang theih tawh tih mipuite a hriattir a ni.

He hriattirna hi vawiin ni 11.9.2023 atanga hman tan tur a ni. He hriattirna hian Vaivakawn leh Chhangurkawn inkar lirthei tlandan tur thupek ni 26.7.2023 leh ni 6.9.2023-a  lo chhuah tawh chu a luah lan ang.