Bual fai la, hrai puar la, Chhandam rawh (Soap Soup Salvation)’ tih hmanga rawngbawlna kalpui thin, Salvation Army hnuaia Salvation Army Youth Lily Veng Corps te chuan Hmangaihte ni tia an sawi, Valentines Day khan kawngpui dunga ‘Mi khawngaihna dil thin (Beggar),’ Mizote’n Kutdawh kan tih thinte chu khawpui chhunga kutdawh thinte tan zanriah an buatsaihsak.
He zanriah kilpui tur hian SAY hian Aizawl khawpui chhunga mi khawngaihna dila kal kual thin leh an duhsakna dawng tura kawng sira thu thinte an sawm a, heng an mi sawm zawng zawngte hi chu an kal vek lo a, zah avang leh an chhungte ngaihtuah avanga kal ve lote chu a tam zawk an ni.
Mi eng emaw zat an sawm hnuah mi 20 vel chu an kal theih an beisei laiin, a tam zawk chu in lam ngaihtuah vang leh zah vang in an kal ta lo niin, a sawmtu lam hian an sawi a, kalkhawmte hi nupa kutdawh, pian chunga rualbanlo leh mitdel panga an ni. Mitdel an sawmte hi chhungkaw chawmlaite an nih laiin, ni tin eikhawp dap chawpte an ni. Mitdelho bik hi chu thuthmun nghet nei, a hunbi-a hruaitu neite an nih thu an sawi bawk a, an mi sawmte hi an hawna tur taxi an ngaihtuahsak vek bakah cheng 500 theuh an hlan a. A buatsaihtute chuan an thil tih hi zawngchhangtlak an tih hle thu an sawi bawk.
&&&&&