ZALEN July 11, 2024; Hortoki bul, Tlawng lui a Vawk thi hmuh a nih chungchangah Sairang police station ah thubuai thehluh a ni.

Nimin zing khan Hortoki bul Tlawng luiah Tlawng hnar lam atanga len thlak Vawk thi (ruang) hmuh a ni a, Vawk thi hi kar kalta tawp lamah pawh hmuh a lo ni tawh.

Tunkar thawhlehni khan Hortoki khaw mi Tlawng hnar lama hnathawka kal te chuan Vawk thi (ruang) hi 7 vel an hmu niin thu lakna in a tarlang a. Vawk thi an hmuh tawh zawng zawng hi 10 vel a nih rin a ni tawh.

Hortoki Vawk Vulh Association President Zoramthara chuan, Tlawng luia Vawk thi len thlak chungchang ah hian Mizoram Pig Farmer Association President hnenah thil awmdan phone hmanga hrilh in, Vawk thi thlalak thenkhat pawh a thawn tawh thu a sawi a, hemi bawhzui hian Mizoram Pig Farmer Association hruaitute chuan Sairang Police Station ah FIR an thehlut ni a hriat a ni bawk.