DOWNLOAD OUR APP

Read latest news on your phone
app-store

Venue model thar Aizawlah tlangzarh

Jun 16, 2022

India ram hmun hrang hrangah Ningani hian Hyundai Venue thar khuh hawn a ni.. Aizawla Hyundai Dealer te chuan Venue hi a duh an pe daih lo tih an sawi a, hauh lawk mi 70 vel an awm reng tih leh tuna model thar pawh hi phochhuah a nih hma hauhin hauh lawk mi 57 an awm tih an sawi...

Aizawl June 16, 2022 : India ram hmun hrang hrangah ningani hian Venue thar khuh hawn a ni a, Mizoramah Aizawl District Transport Officer H Lalhmingliana'n mipuiin an tluanpuia tangkai taka an hman turin a tlarzarh.

CK Hyundai showroom, Bawngkawn-ah Lalhmingliana chuan kum 10 chhung Santro car a neih tawh avangin Hyundai chu company rin tlak a ni tih a sawi a, ama milpui zelah company dang nena khaikhinin car tha ber a nih thu a sawi.

Aizawl DTO hian Mizoram Transport Department-in lirthei khalh chhuah theih dan a neih te zawm that a pawimawh a, hemi kawngah hian Mizorama automobile dealer zingah CK Hyundai an fakawm a, an lehkha theh luh a fel fai thei hle a ni, tiin a fak. 2019 khan Venue hmasa chhuakin India rama car of the year a ni zui nghal a. CK Hyundai pawhin tun kum thum chhunga car an zawrh zinga Venue hralh hnem ber niin an hnen atangin 1200 vel an lei tih an sawi.

Venue thar chungchang sawitu Lalbiakdika chuan 'a hmaa mi nen a engine danglam lo mah se a hmel, a hnung leh a hma lam, a ke a danglam' tih a sawi bakah, tunlai thiamna tha leh changkang tam tak bilh tel a nih thu a sawi.

Bda chuan : "Chabi hmanga tih theih a tamin mahni in lum atangin a tihnun lawk theih a, smartphone hmangin a dinhmun hrang hrang a en theih bakah a thunun theih bawk. "A khalhtu leh a chhunga chuang tan awlsamna tam tak siam a ni a, light tha zawk an vuah bakah rimawi ngaina tan a manhla tham em em. Hetiang taka an thuam mai hi a man tlukpui atanga tehin Hyundai hian company dang aiin anmahni dawrtute an duhsak hle niin ka hria," a ti.

Dealer Principal Joseph Lalchhanhima chuan Mizo mipuiin Venue an duh avangin a pe daih lo hle a, hauh lawk mi 70 vel an awm reng tih sawiin, tuna a thar hi tlangzarh a nih hmain mi 57-in an hauh lawk a ni.

HYUNDAI VENUE THAR MAN

1.2 litre petrol : Rs 7,53,100

1.5 litre diesel : Rs 9,99,900

1.0 litre turbo : Rs 9,99,900

Share now