Aizawl July 2, 2024 : Star Farm, Sakawrtuichhun neitu Malsawmi chuan a vawksa / A kawchhung Vety Department lamin ASF a kai leh kai loh an enchhin 10 zinga paruk chu negative an ti a, a dang pali doubtful tia Vety Department ten result an puan chu phai lamah thawn a tum thu a sawi.

Malsawmi chuan a sa kawngchhung test tihna atana an lak hi, bawm tina mi chu Vety Department te nen hian a inzatin an insem tih a sawi a, heng sa kawchhung sample an kawl ve zingami doubtful an tih sample a kawl ve te chu Vety Minister phalna ngeiin phai lamah thawn a tum a ni.

Star Farm neitunu chuan a sa kawl zingami, a result rinhlelhawm a hriat an hmuh avang hian a Sa kawl dang te chu engtiang tih tur nge tih Vety lam pawh hi a zawt tawh tih a sawi a, Vety lam hian chhanna an pe thei lo, a ti. Doubtful an tih tawh chuan a sa te hi engtianga thehthang tur nge tih an hrilh tur a ni, a ti a, mahse, chhanna an pe thei lo tih a sawi bawk.

Mizoram Pig Farmer Association (MIPFA) ten Frozen Pork ASF tidarhtu anga an sawi chu dawt phuahchawp a ni a ti.