Vety-in SDMA hnenah Calamity-ah ASF puang turin ngen
![](https://zalen.s3.ap-south-1.amazonaws.com/images/news/1721822135_Vawk1.jpeg)
Aizawl July 24, 2024 : Animal Husbandary and Veterinary Department chuan African Swine Fever chu State Disaster Calamity atana puang turin State Disaster Management Authority chu an ngen a, tunah hian file hi a kal mek niin hriat a ni.
State Disaster Management Authority chu August thla tir lam hian an thukhawm dawn niin hriat a ni a, hetah hian ASF hi State Diasater Calamity-ah an puansak ngei Vety lam hian an beisei hle niin thudawnna chuan a sawi. State Disaster Management Authority hian Calamity-a an puansak thei anih chuan Vawk chan ten zangnadawmna an hmuh phah an beisei vang a ni.
ASF buaipui nasa zawka buaipui tur hian Vety department lam chuan staff an indaih lo hle niin hriat a ni a, Veterinary Officer post 68-ah post 38 chiah hnawhkhah a ni a, VFA post 260 awmah post 78 chiah hnawhkhah a ni. tunah hian State leh District Lab 12-a thawk tur Lab Technician pakhat theuh, Directorate leh District 12-ah Data Entry Operator leh Casual Labour pakhat theuh chu sawrkarah 2024 hian an lo dil tawh a ni.
2021-a African Swine Fever-in Mizoram a luhchilh atangin July 15, 2024 thleng khan chhinchhiah chinah chhungkaw 22608 in an tuar tawh a, Vawk thi avanga sum hloh hi Vaibelchhe 709.96 vel anga chhut a ni. 2021 kha Vawk thi an tam ber niin, 33417 an thi a, 12568 suat an ni a, hemi kum hian chhungkaw 12160 in an tuar a, khaw 272 luhchilih hemi kuma Vawk thi hi Vaibelchhe 334.14 man hu a chhut a ni.
Kum li chhungin 2023 kha Vawk thi an tlem ber tum a ni a, 1139 an thi a, 980 suat a ni a, hemi kuma Vawk thi man hi Nuai 1500 chuang man zet a la ni tho. Kumin July 15 thlenga Vawi thi tawh hlut zawng hi Cheng nuai 14,700 man chuang a ni tawh.
Vawk thi hi 53352 zet an awm tawh a, suat hi 36614 an tling tawh. Kumin bikah ASF vanga thi 7201 an tling tawh a, suat 13292 an awm tawh bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024