August 26, 2023; Mamit Chhimveng Vohbik naupang Lalremruata (11) s/o Lalvulmawii boralna a mawhphurtu chu a inpuang tawh a, Central Jail, Aizawl ah dahluh nghal a ni.

Mamit atanga ZALEN thudawn danin, Lalremruata ruang chhar chungchang-ah hian Mamit police te chuan thu zawhfiah an nei nual a, chung zinga mi pahnihte chu kawlzui a, uluk leh zuala thu an zawhfiah hnuah, Mamit mi mipa kum 21 mi chuan a thah a nih thu a puang a, August 25, Zirtawpzan khan Central Jail, Aizawl panpui nghal a ni.

He thil thleng chungchangah hian mipui lamah boruak sosang a awm theih avangin, police lam pawhin fimkhur takin hma an la a, he thu ziahlai thleng hi chuan pawikhawihtu inpuanna kimchang puanzar a la ni lo.

Lalremruata ruang hi August ni 23, chhun dar 12 bawr vel khan Mamit Field thlang tlak lam rama Lianmawii Highschool veng chhar a ni a, a ruang hmuh a nih hian thuamhnaw inbel a nei lova, a ruang hi chhawlchhin a ni.