ZALEN November 18, 2023 : Vawiina a Central YMA Committee Room-a NGO Coordination committee thukhawm chuan Mizoram Legislative Assembly vote chhiar hun sawn tir tum chungchangah Election Commission of India (ECI) hotute an hmunpui ngeiah sawipui ni se an ti.

Election Commission of India (ECI) chuan December 3, 2023 (Pathianni) a vote chhiar tura ruahmanna a lo siam tawh chu tihdanglam a nih loh tur thu a sawi tawh a, hemi chungchang hi vawiin khan NGOCC chuan a ngaihtuah nawn leh a. Inthlan vote chhiar hi sawn a nih ngei theih nan ECI hotute an hmunpuia sawi pui hi an tum a. Hei hian awmzia a neih loh chuan Protest Day hman tum a ni bawk.

Vote chhiar hun sawn a nih theiha turin Mizoram Kohhran Hruaitute Committee (MKHC) pawh an hma zawnah theihtawp lo chhuah zel turin NGOCC hian an beisei bawk a ti.