Frankie, Asanga, Tluanga, RF-a leh Hlimpuia te awmkhawmna — CASEY’S SECRET chuan Guwahati DDK sawmna ngai pawimawhin, Western Melody show-ah zai turin naktukah an feh chhuak tawh dawn. Mizo Pop rock band tlemte zinga mi Casey’s Secret chuan naktukah Guwahati an pan anga, ruahman lawk dana an awm a nih chuan February ni 11, 2015 khian recording leh shooting an nei nghal ang. An in beisei dan chuan an ‘original’ pathum vel leh cover hmangin an perform dawn niin an sawi. Western Melody programme-a an inlan hnuah, Casey’s Secret hian hun an neih dan a zirin Hotel-ah pawh an perform hman mai thei a ni. Nikum tun ang huna an single music video hmasa ber — Pap Pap — an tih chhuah champha karah tak Guwahati lamah an feh chhuak dawn a nih hmel.