Emma Raducanu hian UK lamah senior tournaments tum hnih Nottingham leh Wimbledon bak a la khel ngai lova, US Open a champion hnua a vawi khat nan British mipui hmaa inlan vawi khatna turin thla leha khelh tur Birmingham Classic tan a inbuatsaih mek. World ranking 12-na Raducanu hi, nikuma Wimbledon fourth round-a tlak hnu khan British leilungah competitive tournament-ah ala inlan leh lo. 

Kum 19 Grand Slam title hum haw tawh hian, nikum September thla khan Wimbledon khel turin a tling tawh a, grass tournament khel tur hian a inpuahchah mek a ni. "Grass lama kir leh hi ka tan thil ropui tak a ni a, nikum lama kan khelh dan leh kan chet tlat dante pawh kha lung tilengtu a lo chang der tawh mai. Tunah chuan tawnhriat atangin thil tam tak ka zir ve tawh a, ka mamawh leh mamawh loh thil ka hre thiam ve tawh a ni," a ti. 

A coach German Torben Beltz nen an inthen hnu khan coach nghet a nei rih lova, tunah hian Lawn Tennis Association's head of women's tennis, Iain Bates chu coach lailawk atan a hmang mek. Coach nghet nei lova inkhel tura zinchhuah chu eng nge a an? tih an zawhna chu,"Ka mal ngawih ngawihin ka hria," tiin a chhang.