Aizawl May 20, 2024 : Ministry of Skill Development (MSDE) hnuaiah NSDC leh Skill India tangkawpin National Skill Competition - Indiaskills 2024, May ni 15-20, 2024 chhunga Yashobhoomi Covention Centre, Dwarka, New Delhi-a neihah Mizoramin Medal 8 a la a, pali hi Worldskill 2024-a kal turin an tling.

Labour, Employment, Skill Development and Entrepreneurship Department (LESDE) hmalaknain Mizoram chuan Indiaskills Competition : 2024 a tel turin trade 16 ah mi 16 a tir a, Intihsiakna hi May 16-19 chhunga neih niin May 20-a Clossing Ceremony hman niin Mizoramin lawmman 8-a dawng a ni.

1. Maximus Lalruatkima - Gold (Floristry)

2. Vanlalbiakdiki - Gold (Shoe Making)

3. Emily VL Thakimi - Gold (Fashion Technology)

4. Anthony Lalchhanhima - Silver (Drone Film Making)

5. Laltlanzovi - Medallion of Excellence (MoE), (Hair Dressing)

6. Vanlalhriatchhungi - Medallion of Excellence (MoE), (Beauty Therapy)

7. Liansangrem - Medallion of Excellence (MoE), (Plumbing & Heating)

8. Lallawmkima - Medallion of Excellence (MoE), (Electrical Installation)

Indiaskills 2024, National Competition-ah hian Competitors 1000 chuang State hrang hrang atanga State Winners theuhte kalkhawmin trade 61 hnuaiah intihsiakna an nei a, Mizo thalaite pawh skill trade 16 hnuaiah an tel thei a ni. He intihsiakna Gold leh Silver dawngte hian Worldskills : 2024, Lyon, France-a kumin September thla a neih turah India aiawhin intihsiakna an hmachhawn leh dawn a ni.

Mizoram Team-te hi LESDE Department Director Angela Zothanpuii hovin Official mi paruk ten an hruai a. Mizoram hi Indiaskills competition-ah a tum 2 telna niin kum 2022 khan Medal 2 Gold leh Bronze lo la tawhin, kumin hian Medal 8 an la leh a ni.