ZALEN July 3, 2025 : BJP Mizoram State President Dr K Beichhua, MLA chuan vawiin chawhnu khan Governor General VK Singh chu a chenna in Raj Bhawan Aizawl-ah a hmu. Governor chuan MBJP President hi hrui khat vuana thawh dun a tul thu a lo hrilh.

Governor nena an inkawmnaah hian BJP Mizoram State President chuan, Mizoram chu state pachhia leh hnufual tak a nih avangin Mizoram in kawng hrang hranga hmasawnna a neih theihna tura hmalakpui tur leh tandun pui turin a sawm a, Mizoram mipuite ei leh bar zawnna kawnga harsa tak takte hma khua ngai a, PM Modi hmalakna chhunzawm a, Sabka Saath Sabha Vikas tih anga mitinin an chanvo dik tak an chan theihna tura hmalak dun pui ah a sawm a, Mizoram hmasawnna tur a theihtawp chhuaha hmalakpui turin a ngen a ni.

Governor General VK Singh pawhin Dr. K Beichhua, MLA chu BJP Mizoram State President a ni chu a lawmpui thu leh a rawt ang ngeia Mizoram hmasawnna tur atana theihtawp chhuah a, thawhpui a, tan dunpui a lo tum zia tih a lo hrilh a, Mizoram-a PM Scheme hrang hrang kalpui anih dan leh hmalak dan te pawh a tul anga enpui a, PM Scheme te a hlawhtlin theih nan hmalak a tul thu leh hruikhat vuana thawh dun a tul thu a lo hrilh bawk a ni.

Dr K Beichhua, MLA hi Delson Notlia MDC, BJP National Minority Secretary in a tawiawm bawk a ni.