ZALEN July 22, 2024; Vawiin (22.7.24) khan Champhai District a Leithum YMA Branch chuan an khuaa damlohna avanga hun rei tak awm tawh, hlo thlawh puiin YMA Member thahnem tak tlawmngai in an thawk chhuak.

Leithum Branch YMA in a hlo an thlawh sak Biakthanzauva te fapa hi hun rei tak Damdawiin-a enkawl a nih hnuin a boral a, thlawhhma kawng pawh an zawh mumal theih loh avangin Leithum YMA Branch chuan, tanpui ngaite tanpuitu YMA a nih hrerengin hlo thlawh thawh tum hnihna, hnuhhram hi an thawhsak ta a ni.

Leithum Branch YMA hruaitute hnen atanga thu dawn danin, Biakthanzauva te hian an lo ah buh tin hnih vel an tuh a, tunah hian buh eichhe theitu, buh hnahkhawrin a chimbuai mek a ni.

Leithum khua hi In 124 vel niin YMA Member 400 dawn an awm mek a, Leithum Branch YMA hian mi harsa puih ngaite hun dangah pawh an lo pui fo tawh thin a ni.