Aizawl: Central YMA chuan Tax Deducted at Source lak tumna chu sut a nih loh chuan March 20, 2019 atangin State Bank of India chu hnathawk thei lova dan nise an ti.
Nimina YMA CEC thukhawm chuan Tax Deducted at Source chungchanga NGO Coordination Committee in SBI te hnathawk thei lova dan a lo rel tawh chu tha an tiin a hlawhtlin nan theihtawpa hmalak nise an ti a. Sub.Hqrs, Group leh Branch te chu anmahni area theuh a SBI Branch te a tul anga ni 20.3.2019 atanga hnathawk thei lo tura hma la turin an ti a. Aizawl khawpui bikah chuan City Branch YMA te ni 19.3.2019 zanah hmalak dan tur inhrilhfiahna neih nise tiin an rel bawk.
CYMA chuan TDS chu Mizo tribal, Mizorama chengte Income tax lak tumna a ni tiin hriattthiam har tiin India sawrkar leh SBI hotute chu he thil hi siamtha turin an phut tih an sawi bawk a ni.