Hei zet hi chu Mizo zingah chuan turu hem hem tak a ni - YoungFella 'magic' tih loh rual a ni lo. Young Fella ft Zaii Hauchhum & Elza tv music video 'Val senior' (min phu lo) chuan YouTube-a million view nei rang ber record a siam leh ta - record thar siam tur hian ni ngah chiah an mamawh.

YoungFella ropui zia sawi a ngai leh thin,  artist danglam bik chu a ni chiang e. Rebecca Lallawmsangi nena an sak 'Hriat ka duh' tih hla khan ni 6 chhung lekin million view a rawn nei a, Mizo zinga maktaduai khat entu nei rang ber record an rawn siam. 

He an record duhawm tak hi YoungFella bawk hian a rawn khum leh a, tun tuma record a siampui erawh Zaii Hauchhum a ni thung - a thawhpui a piang chawisanin an awm a ni ber. Chutih rual chuan Zaii Hauchhum dah hniam chi a ni hauh lo thung a, ani tluka artist huhang ngah an awm bik kher lo ang. Tun lai artist lar pahnih thawk dunin record thar nan rawn siam hi a mak lo. 

'Val senior' (min phu lo) tih hla hi Youngfella phuah hi a ni nghe nghe a, record leh beat hi Smiley kutchhuak a ni thung.