ZALEN, Oct. 6, 2024: LBS Suzuki Youth Icon 2024 inelna boruak a sâng chho zêl a, a tha zualte chu Thawhtanni zan atang hian an intihsiak tan leh dawn a, a hmunah mipui chhim theih tura ruahman a ni a; ticket lei tur a awm ang.

Top 10 intihsiak hi zan hnih neih a ni dâwn a, LPS Arena, Falkland-ah neih a ni ang.

Intihsiak hi a duh apiang tan chhim theih a ni dawn a, luh man Rs. 50 tur niin zawrh chhuah lawk erawh a ni lo va, a hmunah lei chawp tur a ni ang.

Top 10 inelna zan khatnaah hian contestant-ten an duh duh hla an sa dâwn a, a zan hnihnaah erawh CFL Hmingthanga Night a nih angin a hlâ sain an intihsiak thung dâwn a ni.

Top 10-a tlingte hi an mentor pali - Thangbawiha (EME Records); Kima Chhangte (Home Free Music); Tluanga Hnamte (Westend Studio) leh Peka (It is Home Studio) te kaihhruaina hnuaiah ngawrh takin an inbuatsaih a. Show neihna tur LPS Arena pawh uluk taka cheibawl a ni a, a hmuna chhimtute tan a nuam hle tura beisei a ni.

LBS Suzuki Youth Icon Grand Finale hi October ni 19 zanah neih tura ruahman a ni.

YOUTH ICON 2024 TOP 10:

Sl. No. 133 LALBIAKKIMA HNAMTE,  THENTLANG

Sl. No. 165 LALREMSIAMI, DARLAWN VENGHLUN

Sl. No. 188 LALSANGLIANA, BÂWKTLANG

Sl. No. 122 SAMSON LALHUNRUATA,  CHAMPHAI KANAN VENG

Sl. No. 219 PETER LALNUNPUIA, COLLEGE VENG

Sl. No. 181 RAMENGMAWIA, MEIDUM

Sl. No. 93 LALDINHLUA, CHAMPHAI KANAN VENG

Sl. No. 264 ZOTHANKIMA, TACHHIP

Sl. No. 180 ZION TLAICHHUN, HNAHLAN RAMTHAR VENG

Sl. No. 212 J. LALROSANGA, TUIDAM