ZALEN, Oct. 8, 2024: LBS Suzuki Youth Icon 2024 Top 10 intihsiak zan khatna chu zawh fel a ni ta a, mipui ngaihhlut a hlawh a; intihsiakna hmun pawh a khat hneh hle a, Thawhlehni zanah intihsiak zan hnihna a awm dawn a, a hmuna chhim dun tan kal hma a chi ang.

Thawhtanni zan khan LPS Arena-ah Top 10 intihsiak zan khatna hi neih a ni a, LPS 1-ah live-a pek chhuah a ni a, a hmunah mipui chhimtu an thahnem hle bawk.

Top 10 intihsiak zan hnihna hi a hmun ngaiah neih leh a ni dawn a, a zan khatnaah thutna inchan loh dan en chuan kal hma a sual loh hmel hle.

Top 10 intihsiak zan khatnaah hian contestant-te chu sound track nen an hla duh ber sain an inlan a. Tun tum show-a boruak nei lian bera chhal ngam ni rih mek, J. Lalrosanga pawh a zai tha, mipui thawm pawh a ring hle.

Contestant dangte pawh an che chhe lo hlawm a; mahse, inelna sang zawk an an hmachhawn vawi khatna a ni bawk a, Top 50-a an zai pha ta chiah lo erawh an awm niin a lang.

Intihsiak zan hnihnaah hi CFL Hmingthanga Night a ni dawn a, a hla hmangin intihsiak tur a ni a, beng titlai tak tak zai ngaihthlak tur a awm leh ngei tura beisei a ni.

Youth Icon 2024 hi Nilaini zan dar 8-ah intihsiak chhunzawm a ni ang a, Top 9-a tlingte puan a ni ang a, intihsiak chhunzawm a ni ang.

Mizorama TV Reality show hmasa bera chhal, Youth Icon boruak hi a te ngai lo va, kuminah pawh second round atangin mipui ngaihven a hlawh a, mipui mimir titi luah phak a ni chho leh mek.