ZALEN January 22, 2024 : Deputy Conservation of Forest chuan vawiin hian thuchhuah siamin Zirtawpni khan Wildlife (Protection) Act. 1972 (Nungchate huhalhna Dan) Section 9 bawhchhia a thang chi hrang hranga Savate leh Nungcha dang tam tak tihlimtu leh an chet dan video Youtube channel-a upload tu mi pahnih te chu sum chawitir an nih thu an tarlang.

Heng sum an chawitir te hi Vanengmawia s/o Dotawna, Lungmawi, Hnahthial district leh PC Malsawmzuala s/o PC Ramsanga, South Vanlaiphai, Hnahthial district te chu EF&CC department hnathawktu ten manin heng mi pahnih te hi Wildlife (Protection) Act, 1972 hnuaiah pawisa chawi tira hremn an ni.

Youtube Channel-a an thangkam dan leh nungcha chi hrang hrang an tihhlumna video pawh delete tir an ni a, an thangkamna hmanrua te pawh man san an ni bawk. Vanengmawia hi Rs. 5,000/- chawitir a ni a, PC malsawmzuala hi an chhungkaw khawsak dinhmun enin Rs. 4,000/- chawitir a ni thung.