ZALEN October 11, 2024 : Production thar Amzalea Production chuan Runmawi Production nena thawk hovin tunlai Mizo film a la hmuh tam vak ngailoh film thar Fantasy, Romance ‘Thingkung’ (The curse of the blessed) chu an rawn chhawp chhuak dawn ta. Zanin Dawrpui Multipurpose Hall ah an premiere dawn a, Runmawi app lamah a zan vêk hian en theihin an chhawpchhuak nghal ang.

He production hi tun kum 2024 a din chauh a ni a, Timothy Vangchhhia leh BS Pictures kaihhruaina hnuaia kalpui chhoh tan mek a ni.

Tun an project Thingkung ah hian mizo film industry lama a tha ber berte an in fuankhawm emaw tih mai turin cast tha ber ber te zingami - Timothy Vangchhia (The Sky is Ours), Rinzuala (The Sky is Ours), Rosy lrt (Keimah thintlang nula a Kalvari ngei mai kha) Maruata Rawite (Kan chhungkua lama che hit tak leh, 'Keimahni’ sitcom a character hnehsawh tak kha a ni a). An ni ho hi character zinga pawimawh zual nih an rawn hlawh dawn a ni.

Khing ho mai bakah khian cast dang tha tak tak Mapuia Chawngthu (Leitlang pictures), Tpi Fanai, Hoyabia, Kima Parousia, Tommy(Grtv), Mali (LPS), Alice (Mo sual), Evelyn Chhakchhuak (Miss Mizoram 1st Runner up) te ho an rang lang tel dawn bawk a ni.

He film-ah hian Mizo film dang ang lo takin Fantasy, Romance in an rawn kal dawn a, CGI tam tak kan hmuh hmel a, dawi thil leh thihna rapthlak tam tak kan hmuh hmel bawk a ni. A story hian mumang thil tihtheihna leh khawvel pahnih awm chungchang a rawn tilang dawn a, a entir ber tur chu Duhâmna thatloh zia a ni dawn a ni.