ZALEN Nov 5, 2024; Chhimphei a zawng chhuak mipuiten humhalh duhna thinlung pu a an lo en chungchangah Environment Forest & Climate Change (EF&CC) Department-in lawmthu a sawi.

Thuchhuah an siamah EF&CC chuan, tunlai hian chhimpheiah zawng chhuak khawlaiah leh khaw chhungah te a vak vel ṭhin tih an tarlang a, "Ramsa tih takah mi tam tak pawi a khawih tawh ngeiin a rinawm, chutih rual chuan lo tihhlum emaw, lo tihnat emaw pawh tum lovin khawtlang hruaitute leh mipuiin humhalh duhna rilru pu chungin kan lo en ṭhin a, hemi chungchangah hian mipuite chungah lawmthu kan sawi tak meuh meuh a, zawng chungah hian kut lo thlak lova humhalh duhna rilru lo pu hram hram turin Department chuan mipuite a ngen tak meuh meuh a ni," an ti.

"He zawng hi video hrang hrangah te eitur pe lai hmuh tur a awm nual mai a, ramhnuai lam a a in saseng zawk theih nan eitur pek loh hram ni se ti in mipui te kan in chah in kan in ngen duh a ni," an ti bawk.

Zawng avanga buaina leh harsatna tawk an lo awm palh a nih pawhin zawng laka kut lo thlak mai lovin Department lam hriattir hmasa zel turin mipuite an ngen bawk.