ZALEN June 2024; Ni 20.6.2024 zan khan Bethlehem Vengthlang YMA Hall-ah kum 2024 a Bethlehem Vengthlanga chêng zirlai HSLC leh HSSLC pass-te lawmpuina leh chawimawina hun chu Bethlehem Vengthlang Branch YMA bul tumin hman a ni.

He hun hmanpuitu bialtu AMC corporator R. Lalawmpuii, ZPM Zonu Headquarters President chuan zirlai kalkhawmte fuihin, 'Hlawhtlinna chan hi a nuamin, a hlimawm a, nimahsela, hlawhtlinna kawngpui chu a bumboh thin a ni', a ti.

Ward-16 bialtu corporator R. Lalawmpuii chuan zirlaite chu kohhran leh khawtlânga inhman kawngah fimkhur tura chahin,"Zirlaite chu an zir zawh hunah an thiamna hmangin kohhran leh khawtlang tân malsawmna an la ni thuai dawn a, khawtlang leh kohhran hrang hranga ṭhalai hruaitute pawhin zirlaite chu hla zir, hnatlâng leh activity dang dangah-te a kula ataia tel turin phut lo se ka duh hle a, khawvel thiamna leh changkanna sang chho zel chu zirlaite pawhin a tha zawnga hmasawn nan hmang thiam se ka duh a ni" a ti.

Pass tharte puala inkhawm hi Ralthuama Ralte, President, Bethlehem Vengthlang Branch YMA chuan a kaihruai.