Aizawl September 1, 2023 : Mizo Cultural Organisation (MCO), School Education Department, Mizoram State Sports Council (MSSC) leh Tourism Department, Government of Mizoram tangkawp buatsaih ‘Zirna In Pual Mizo Hnam Lam Intihsiak’ chu vawiin khan Vanapa Hall-ah a hmawrbawkna hun hman a ni a. College/ University-ah Govt Aizawl College, High School/ HSS-ah Home Mission School, Middle School-ah Govt. Middle School Reiek te an thiam ber. 

Intihsiakna hi hlawm pathum College/University, High school/ Higher school leh Middle school-ah then a ni a, zirna in 70 atangin hming an pe lut a, zirna in 56 atangin an inlan thei thung a. College/University zirlaite chu Cheraw (Kantluang) leh Chheihlam hmangin an intihsiak a, HS/HSS zirlaite Cheraw (Kantluang) leh Sarlamkai hmanga intihsiakin M/S zirlaite chu Cheraw (Kantluang) leh Chawnglaizawn hmangin an intihsiak ve thung a ni.

He hunah hian School Education Minister Lalchhandama Ralte chuan khuallian niin a hmanpui a. Tourism Minister Robert Romawia Royte chu inkhawm thlengtu a ni.

Mizo hman lam intihsiak Result chu a hnuai a mi ang hi a ni:

College/University

1st - Govt. Aizawl College
2nd - Pachhunga University College
3rd - Govt. T. Romana College
4th - Govt. Hrangbana College.
5th - Govt. Mamit College-te an ni.

High School/HSS

1st - Home Mission Higher Secondary School
2nd - Home Mission High School
3rd - Govt. Mizo High School
4th - St. Paul's Higher Secondary School
5th - Govt. Mamawii Higher Secondary School

Middle School

1st - Govt. Middle School, Reiek
2nd - Govt. Middle School, Chhinga Veng
3rd - Neuhof English Middle School
4th - Govt. Buchhawna Memorial Middle School, Ramhlun Vengthar
5th - Govt. Lalhnam Middle School, Thingsultliah -te an ni.

Hlawm then tinah hian pakhatnain Rs 50,000/-, Pahnihna-in Rs 30,000/- leh Pathumna-in Rs 20,000/- an dawn bakah Trophy leh Certificate hlan an ni a. Pakhatna participants te hi Thenzawl Golf Course fanpui an ni dawn a ni.