Aizawl July 6, 2023 : Zohnahthlak Christian Network huaihawtin July ni 13-15,2023 inkar chhung hian Dawrpui Multipurpose Centre-ah hmun hrang hranga awm Zohnahthlak te tan tawngtaina neih a ni dawn.

Tawngtai neih tum chungchangah hian vawiin khan Aizawl Press Club-ah chanchinbumite kawmin Zohnahthlak Christian Network convener VL Hmangaihsanga chuan, "Esther chawnghei tawngtai kan neih tur hi Mizoram MLA inthlanpui lo awm tur atan te, kan chhehvela zohnathlak harsatna tawk, a bikin Manipur rambuai tan a ni," a ti a. July ni 12,2023 hian Manipur buaina thleng an duhloh zia lantirnan a huhoa punkhawm buatsaih an tum tih an sawi bawk. 

Zohnahthlak Christian Network chuan Manipur a zofa ten chhawmdawl an ngai hle tih sawi bawkin heng mite tanpuina atan hian August ni 10 & 11, 2023 hian charity concert neih an tum tih an sawi a. Zohnahthlak Christian Network chuan kum 2020 leh 2021 ah te chawnghei tawngtai hi an lo huaihawt tawh bawk a ni.