10, July: Thudawn danin Sawrkar lam leh Zokhawsang loneitu lamte chu vawiin khan an thukhawm a. Zokhawsang ram thenawma lo neitute tunhnaia AR lamin an ram kaltlang an phal loh chungchang sawiho a nih hnuah by pass road siamthat a nih hma chu ni bik neiin hman theih  nise tiin an rel thlu. Hetiang a nih taka loneitute lungawilohna lantirna pawh tih tawp nghal a ni.

By Pass Road siamthat a nih hma chuan loneitute'n Assam Rifles, Bn. Hqrs, Zokhawsang kal tlangin Thawhtanni (Monday), Thawhlehni(Tuesday), Ningani (Thursday) leh Zirtawpni(Friday) ah te lirthei nen dar 4:00 am - 6:00pm inkarah an kaltlang thei ang a. Nilaini (Wednesday) leh lnrinni (Saturday) ah te hian lirthei a kaltlang a rem dawn lo thung. Ke erawh chuan engtik niah pawh kaltlang theih a tura rorel a ni. Hei hi Col. Mukesh Shuklo, CO, 2 AR  pawmpuinaah tihfel nghal a ni.

By Pass road hi a rang thei ang bera siamthat a nih theih nan MPWD chu hma la nghal tura tih a ni.

Loneitu lam pawhin Mizoram sawrkar leh AR lakah thu thenkhat an hriatfiah tawk loh avangin thupha an chawi niin he meeting thurel tarlanna chuan a sawi a. Commissioner & Secretary, Home Department he meeting hi a kaihruai a ni.