Mizo Film Award 2023 host tur tihchian a ni ta - Zonet anchor hriat hlawh Zonuni Pachuau chuan Mizo Film Award vawi hnihna hi a host dawn e. 

Mizo Film Award 2021 kha Angelina Paul chuan a lo host tawh a, kuminah pawh Mizo ten host kan neih that ber zinga mi kan hmu leh dawn. Durtlang Leitan nula Zonuni Pachuau chuan, "Filmmaker te an thang nasa a, a lawmawm takzet. Kum tin hmasawnna a awm chho zel hi kan lo hlimpui ve veng veng thin. An tana hun hlu bik ka host thei tur hi ka lawm hle," tiin Mizo Film Award a host thei tur a phur tawh thu ZALEN a hrilh.  

Mizo Film Award 2023 hi Entertainment Society of Mizoram buatsaih a ni a, September 29, Zitawpni zan hian Vana pa Hall-ah sem a ni dawn. A hmunah mipui tam zawk an kal theih nan ticket siam a ni a, Rs. 100/- man a ni ang. Ticket hi zawrh chhuah a nih dawn bakah, a hmunah lei tur a awm bawk ang.