Lei sakna hi Central Special Assistance a hmuh niin Mini bridge on IR Approach Road to NH-154 along with Ch. Chhunga paddy field tih a ni. 

Rs Estimate amount cheng nuai 64.90 a ni a, Feb 2021 khan tan niin hri vanginchawlh san niin August ni 8 khan an tan leh a ni

Aizawl; Assam police ten Bairabi Zophai a lei dawh siam mek thenkhat tichhiain, hmanraw thenkhat la bo mah se, nimin khan hnathawh chhunzawm leh nghal a ni a, he thu ziahlai thleng hi chuan boruak duhawmlo thleng a awm zui hriat a ni lo.

He hna enkawltu Laldinpuia Ralte, Bairabi South chuan, AP te rawn chetna vang-in boruak duhawm lo thleng zui a awm lo tih ZALEN hrilhin, nimin lamah pawh hna an chhunzawm leh nghal tih a sawi. 

Dr. H Lalthlangliana , Kolasib DC chuan Hailakandi DC a biak thu sawiin hna thawh chu tihbuai loh a tiam bakah ramri issue a nih loh avanga inrawlh loh a tiam a nih loh  chuan Mizoram police te chu hnathawhna hmunah dah an nih tur thu ZALEN a hrilh.

Magistrate Bairabi bakah SDPO Kolasib te chuan nimin lam khan lei dawh hi an vil a, Zirtawp zan atang khan Mizoram police pawhin an vil bawk. Bairabi atanga ZALEN thudawn danin, August 20, Zirtawpni khan Zophai IR outpost panna kawng pumpelh RCC hmanga Mizoram PWD in a thawh mekna hmun ah Assam police 10 vel lokal in, hna thawh lai chawlhsan turin an rawn hriattir a ni. 

Assam police te hi sumo leh pick-up in an lokal a, hnathawk a lo awm, Mizote chu an hnathawh titawp tur leh haw turin an ti a, hnathawkte erawhin an chhunzawm reng thung a, tlai lam a hnathawkte an haw hnuah lei dawh nghahchhan a slab chhunna tur rod phan sa chu AP te hian thiatin an vaw chhia a, rod quintal 4-5 vel an la bo a, hnathawkte haw hnu a nih tawh avangin chak latute hi hriat ilo mahse chhui zui mek nia thudawn a ni bawk.

Contractor hi R.L. Thachungnunga, Bairabi a ni.