ZALEN February 20, 2024 : Vawiin khan MNF President nilai Zoramthanga leh Senior Vice President nilai Tawnluia te chuan MNF Election Nomination Committee Secretary Er. R. Rohmingliana hnenah an pahnih chungchang nomination committee ten lo ngaihtuah lo turin lehkha an thehlut nia thu dawn a ni.

MNF inthlan tur chunchangah hian thu thang a awm ve reng a, Zoramthanga hi Election chuh tawh lo turin President ni zui leh se ti pawl te an awm a, a uapna hnuaia awm rih tha an ti. Hruaitu-ah hian awm tawh lo hrim hrim se ti an awm bawk. Chutihrualin ani a awm loh hi chuan MNF inthlanah inhruipawhna a nasat ring an awm a, party inpumkhatna a chhiat an hlau a ni.

Zoramthanga leh Tawnluia te hian hetia an kut an sil takah chuan MNF inthlang tur hi a boruak a sang viau thei tih thudawnna pakhat chuan a sawi a, post thenkhatah boruak a san viau laiin post thenkhatah erawh boruak a sang vak lo thei niin thu dawn a ni a, Party leader post inchuhna chu sang viau theiah a ngai tih thudawnna chuan a sawi bawk.

MNF Vice Prsident ni lai Vanlalzawma leh Treasurer ni lai K. vanlalauva te chuan Hnam Run chhun inkhawmah chawlh an tum thu an lo sawi ve tawh bawk.